• img-book

    HARIO ZONES

ISBN: 978-602-6506-81-8
Categories: ,

CARITO MINANG LUCU

by: HARIO ZONES

O.. dunsanak sadonyo sabalum carito dibaco ado sapatah sangah kato nan ka ambo barikan. Kamari molah duduak dakek ambo. Ado rundiang nan ambo sampaikan, kalau dicaliak dipandangi buku CML (Carito Minang Lucu) lah tampak nyato dimuko mato. Sabalun sanak mambaco elok didanga pitaruah ambo ko. Dangakan molah sanak sadonyo, simakkan bana nyato-nyato. Satitiak usah lupokan, sabarih jan lah hilang, ganggam arek. Siang ambiaklah ka patungkek, kok malam jadikan suluah pidoman patang jo pagi. Jikok pagi lah tibo nan suluah jan lupo diambuih. Baa dek baitu? mubazir sanak.. Minyak tanah maha kini.. hahaha.

Alhamdulillah sasudah manampuah perjalanan panjang, mandaki, manurun, mandata sampai bakelok-kelok bagai sajak tahun 2012 akhianyo kini tahun 2018 CML hadir di dunia nyato, sasudah labiah kurang 5tahun CML mahibur masyarakaik Minang di dunia maya. Mokasi banyak kapado dewan admin Ipen Servis (P), Ikhsan Nulhakim (Kasek) , Adie R Senno (ARS) , Chaerul Walad (mr.M), Mohammad Aliman Shahmi (Uwan 87), Robby Malvino William (Romawi) , Rio Mardhino (RM) sarato Ramlis Sutan Simabua (RBS). Mokasi kapado Alizar Tanjung Penerbit Erka Rumah Kayu, Editor Muslim AR, cover Tomi Halnandes F, Kartunis Ipen Servis, inisiator buku Brian Fadli Fahmi. Tantunyo ndak lupo ucapan tarimokasi nan tiada tara kapado kasado follower atau member CML nan setia maagiah dukungan.

Mudah-mudahan buku CML ko bisa mahibur masyarakaik Minang baiak nan dirantau ataupun di ranah tacinto, paubek galau sarato rusuah handaknyo. Mohon maaf apobilo dicarito ko banyak salah kato, namo nan samo sarato jalan carito nan mungkin sarupo sahinggo tasingguang puncak luko. Jan sampai marabo, baturo-turo, parang muncuang jo parang salemo. Sadonyo hanyo kebetulan sajo nan indak disangajo.

Akhia kato dangalah pantun dari ambo..
“Si Mamaik mambali maco
Si Parhan bali karanjang
Salamaik mambaco
Mudah-mudahan sanak galak kajang”

Nak duo pantun sairiang..

 

“Mandi dikulah hari lah sanjo
Anak biawak nyari masalah
Lah itu sajo
Kok ndak lawak galak juo lah”
Hahahahah…
Padang, 2018
Penulis

Meet the Author
avatar-author
HARIO ZONES, Lahir 11 November 1984 di Payakumbuh dari rahim seorang Ibu yang sangat menginginkan anak perempuan karena tiga anak sebelumnya adalah laki-laki. Alumni SMA 2 Payakumbuh 2002 yang sangat gagah rupawan. Selepas SMA kemudian melanjutkan kehidupannya di Bandung sebagai pedagang pakaian. Hobinya menulis apa saja mulai dari yang tidak penting sampai ke yang tidak penting banget. Beliau juga hobi membaca sejak SD berawal dari membaca koran bekas gorengan.
Books of HARIO ZONES
About This Book
Overview

 

Details

ISBN: 978-602-6506-81-8
Publisher: Erka
Publish Date: 2018
Page Count: 334

“CARITO MINANG LUCU”

There are no reviews yet.